Bike-இல் இருந்து தடுமாறி குழந்தையோடு ஆற்றில் விழுந்த இளைஞர் - நாள் முழுக்க தேடிய தீயணைப்புத்துறை

வீரசோழன் ஆற்றில் நேற்று விழுந்த குழந்தை சடலமாக மீட்கப்பட்ட சம்பவம் சோகத்தை ஏற்படுத்தியுள்ளது.

திருவிடைமருதூரில் மதுஅருந்திவிட்டு தனது உறவினர் குழந்தையுடன் பிரிடிக்ஸ் சாம்சன் என்ற இளைஞர் இருசக்கர வாகனத்தில் வந்துள்ளார். அப்போது எதிர்பாராத விதமாக வீரசோழன் ஆற்றில் இருவரும் இருசக்கர வாகனத்துடன் விழுந்துள்ளனர். இதில் இளைஞர் மட்டும் கரையேறவே, குழந்தையை தேடும்பணியில் தீயணைப்புத்துறையினர் ஈடுபட்டனர். நேற்று ஆற்றில் நீர்வரத்து அதிகமாக இருந்ததால், தேடும் பணி கைவிடப்பட்ட நிலையில், இன்று குழந்தை சடலமாக மீட்கப்பட்டது. இறப்புக்கு காரணமான பிரிடிக்ஸ் சாம்சன் போலீசாரின் விசாரணையில் உள்ள நிலையில், இந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.