"யார் மிருகம்?" சிறுத்தை வாலை பிடித்து சித்ரவதை செய்த இளைஞர்கள்..! வைரலாகும் அதிர்ச்சி வீடியோ

சிறுத்தை ஒன்றின் வாலை பிடித்து இளைஞர்கள் சித்ரவதை செய்யும் வீடியோ சமூக வலைதளங்களில் வேகமாக பரவி வருகிறது. ஐஎஃப்எஸ் அதிகாரி பர்வீன் கஸ்வான் இந்த வீடியோவை பகிர்ந்து, மிருகத்தை அடையாளம் காணுங்கள் என பதிவிட்டுள்ளார். வாட்சாப்பில் வீடியோ பகிரப்பட்டதாக தெரிவித்துள்ள அவர், எந்த பகுதியில் எடுக்கப்பட்டது என தெரியவில்லை என கூறியுள்ளார். வனவிலங்குகளை இப்படி கையாளக் கூடாது, சித்ரவதை செய்யக்கூடாது என்று அறிவுறுத்தியுள்ள ஐஎஃப்எஸ் அதிகாரி, சிறுத்தைகளும் வாழவேண்டியவை என தெரிவித்துள்ளார். இந்த வீடியோவை பகிர்ந்து, சித்ரவதை செய்தவர்களை கண்டிக்க வேண்டும் என கோரிக்கை விடுத்து வருகின்றனர்.