மக்கள் நீதி மய்யம் கட்சியின் தலைவரும், நடிகருமான கமல்ஹாசன், கடந்த ஆண்டு நடைபெற்ற சட்டமன்ற தேர்தலில் கோவை தெற்கு தொகுதியில் போட்டியிட்டு, ஆயிரத்து 439 வாக்குகள் வித்தியாசத்தில் தோல்வியை தழுவினார். தேர்தலில் எதிர்பார்த்த முடிவு கிடைக்காத நிலையில், தற்போது அவர் நடிப்பில் வெளியான விக்ரம் படம் கோவையில் 100 நாட்கள் ஓடி, கமல்ஹாசனை மகிழ்ச்சி அடைய வைத்துள்ளது. இதற்கான நிகழ்ச்சியில் பங்கேற்பதற்காக கோவை வந்த கமல்ஹாசனுக்கு உற்சாக வரவேற்பு அளிக்கப்பட்டது. நிகழ்ச்சியில் பேசிய கமல்ஹாசன், திரைத்துறையினரின் அன்பால், இந்த புகழை எட்டியுள்ளதாக நெகிழ்ந்தார்.