"கொச்சைப்படுத்தும் முயற்சிக்கு எதிர்ப்பு - செயல்பாடு வேறாக இருக்கும்" - வி.சி.க தலைவர் திருமாவளவன்

அம்பேத்கரை கொச்சைப்படுத்தும் முயற்சியில் ஈடுபட்டால் விடுதலை சிறுத்தைகள் கட்சியின் பாதை, செயல்பாடுகள் வேறாக இருக்கும் என்று, திருமாவளவன் எச்சரித்துள்ளார்.

கும்பகோணத்தில், அம்பேத்கருக்கு காவி உடை திருநீறு மற்றும் குங்குமம் பொட்டு வைத்து போஸ்டர் ஒட்டப்பட்டது சர்ச்சையை ஏற்படுத்தியது. இதை

கண்டித்து, சென்னை, வள்ளுவர் கோட்டத்தில் விடுதலை சிறுத்தைகள் கட்சி சார்பில் கண்டன ஆர்ப்பாட்டம் நடைபெற்றது. இதில் கலந்து கொண்டு பேசிய திருமாவளவன், சங்பரிவார்களை எச்சரிப்பதற்கான போராட்டக்களத்தில் மழையோடு இணைந்து எதிர்ப்பை தெரிவிக்க வேண்டிய சூழல் உருவாகி உள்ளதாக கூறினார்.

அம்பேத்கரை கொச்சைப்படுத்தும் வகையில் வரலாற்றை திரிக்கும் முயற்சியில் சங்பரிவார் குழுவினர் ஈடுபட்டு வருவதாக குற்றம்சாட்டினார். அம்பேத்கரை கொச்சைப்படுத்தும் முயற்சியில் ஈடுபட்டால், விடுதலை சிறுத்தைகள் கட்சியின் பாதை, செயல்பாடுகள் வேறாக இருக்கும் என திருமாவளவன் எச்சரித்தார்.