மனைவி கண்முன்னே கணவருக்கு நேர்ந்த சோகம்.. முன்விரோதத்தால் நடந்த கொடூரம்

மணப்பாறையை அடுத்த கரும்புளிப்பட்டி பகுதியை சேர்ந்தவர் குப்புசாமி. தோட்டத்தில் பருத்தி எடுக்க, குப்புசாமி தனது இருசக்கர வாகனத்தில் சென்ற நிலையில், மற்றொரு இருசக்கர வாகனத்தில் அவரது மனைவி சீரங்கம்மாள் மற்றும் மகன் மாரிமுத்துவும் உடன் சென்றுள்ளனர். கலிங்கபட்டி பிரிவு சாலை என்ற இடத்தில், குப்புசாமியின் இருசக்கர வானத்தை வழிமறித்த 6 பேர் கொண்ட கும்பல், அவரை அரிவாளால் சரமாரியாக தாக்கியது. அப்போது தடுக்க வந்த மாரிமுத்துவையும் தாக்கிவிட்டு அந்த கும்பல் அங்கிருந்து தப்பிச் சென்றது. இதில் இருவரும் படுகாயமடைந்த நிலையில், குப்புசாமி சம்பவ இடத்திலேயே உயிரிழந்தார். ஆபத்தான நிலையில் மாரிமுத்துவுக்கு மருத்துவமனையில் சிகிச்சை அளிக்கப்பட்டு வருகிறது. இந்த சம்பவம் தொடர்பாக போலீசார் வழக்குப்பதிவு செய்து விசாரணை நடத்தியதில், முன்விரோதம் காரணமாக கொலை சம்பவம் அரங்கேறி இருப்பது தெரியவந்தது. இதனையடுத்து, கொலை சம்பவத்தில் தொடர்புடைய பிரவின், அவரது சகோதரர் ஸ்டாலின், தினேஷ், தேவா, மணிகண்டன், சந்துரு ஆகிய 6 பேரை போலீசார் கைது செய்து சிறையில் அடைத்தனர்.