தமிழகத்தில் டோல்கேட் கட்டண உயர்வு இன்று நள்ளிரவு முதல் அமல் - எந்தெந்த இடங்களில்..?| tollgate price

தமிழகத்தில் உள்ள 29 சுங்கச்சாவடிகளில் சுங்க கட்டணம் இன்று நள்ளிரவு 12 மணி முதல் 10 ரூபாய் முதல் 60 ரூபாய் வரை உயர்கிறது.

சென்னையை பொறுத்தமட்டில் புறநகர் பகுதியில் உள்ள பரனூர், வானகரம், சூரப்பட்டு, செங்குன்றம், பட்டறை பெரும்புதூர் உள்ளிட்ட சுங்கச்சாவடிகளில் கட்டணம் உயர்கிறது.

செங்கல்பட்டு அடுத்த பரனூர் சுங்கச்சாவடியை பொறுத்தவரை கார்களுக்கு 60 ரூபாயில் இருந்து 70 ரூபாயாகவும்,

இலகுரக வாகனங்களுக்கு 105ரூபாயில் இருந்து 115-ரூபாயாகவும்,

லாரி மற்றும் பேருந்துகளுக்கு 205 ரூபாயில் இருந்து 240ரூபாயாகவும்.

மூன்று சக்கர வாகனங்களுக்கு 225 ரூபாயில் இருந்து 260ரூபாயாகவும்,

நான்கு முதல் ஆறு சக்கர வாகனங்களுக்கு 325- ரூபாயில் இருந்து 375ரூபாயாகவும்,

ஏழு சக்கரம் அல்லது அதற்கு மேல் உள்ள வாகனங்களுக்கு 395ரூபாயில் இருந்து 455 ரூபாயாகவும் சுங்க கட்டணம் உயர்த்தப்பட்டுள்ளது.