சமைத்து கொண்டிருந்த மூதாட்டி..நகைக்காக கழுத்தை அறுத்து கொன்ற மர்மநபர் - சிசிடிவி கொண்டு போலீசார் வலை

திருப்பூர் டி.எஸ்.ஆர். லே அவுட் பகுதியில் வசித்து வந்த தம்பதி முதியவர் முத்துசாமி மற்றும் சந்திராமணி. இவர்களின் வீட்டிற்குள் புகுந்த மர்ம நபர் ஒருவர், அடுப்பறையில் சமைத்து கொண்டிருந்த சந்திராமணியின் கழுத்தை அறுத்து 5 சவரன் நகையினை திருடி சென்றுள்ளார். மனைவி அடுப்பறையில் கொலை செய்யப்பட்டு இருந்ததை கண்டு அதிர்ச்சியடைந்த முத்துசாமி போலீசார்க்கு தகவல் தெரிவித்துள்ளார். தகவலின் அடிப்படையில் சமபவ இடத்திற்கு வந்த போலீசார் உடலை மீட்டு மருத்துவமனைக்கு கொண்டு சென்றனர். விசாரணையில், வீட்டிற்குள் மர்மநபர் ஒருவர் வந்து செல்லும் காட்சி சிசிடிவியில் பதிவாகியிருந்த நிலையில், போலீசார் தீவிர விசாரணை நடத்தி வருகின்றனர்.