காலியாக கிடந்த கல்லாப்பெட்டி - கடலை மிட்டாய், பெர்பியூமை திருடிச் சென்ற திருடர்கள் -வெளியான சிசிடிவி

சென்னையில் மளிகைக்கடையில் பணம் இல்லாததால் சிகரெட் பாக்கெட்கள், பெர்யூம், கடலை மிட்டாயை மர்ம நபர்கள் திருடி சென்ற சம்பவம் அரங்கேறியுள்ளது. சென்னை புரசைவாக்கத்தை சேர்ந்த ராம்குமார் என்பவர் அதே பகுதியில் மளிகைக் கடை நடத்தி வருகிறார். இவரது கடையின் ஷட்டர் பூட்டை உடைத்து, கடையில் இருந்த பொருட்களை திருடிச் சென்றது தெரியவந்தது. சிசிடிவி வீடியோவை ஆய்வு செய்தபோது, இருசக்கர வாகனத்தில் வந்த மூன்று பேர் கடையின் ஷட்டரை உடைத்து இருவர் உள்ளே செல்வதும், கல்லா பெட்டியில் பணம் இல்லாத விரக்தியில் கடையில் இருந்து சிகரெக் பாக்கெட், பெர்பியூம் பாட்டில்கள் மற்றும் கடலை மிட்டாய் ஆகியவற்றை எடுத்துக்கொண்டு கடையை திறந்தபடியே விட்டு தப்பிச் சென்றது பதிவாகியிருந்தது. இதுகுறித்து வேப்பேரி போலீசார் வழக்குப்பதிவு செய்து, திருட்டில் ஈடுபட்ட இளைஞர்களை தேடி வருகின்றனர்.