ஆக்ரோஷமாக ஓடும் காட்டாற்று வெள்ளம் - உயிரை பணயம் வைத்து பாலத்தை கடக்கும் அதிர்ச்சி காட்சி | TNRain

ஆக்ரோஷமாக ஓடும் காட்டாற்று வெள்ளம் - உயிரை பணயம் வைத்து பாலத்தை கடக்கும் அதிர்ச்சி காட்சி

தேனி மாவட்டம் கொட்டக்குடி ஆற்றில் திடீர் என ஏற்பட்ட வெள்ளத்தினால் பொதுமக்கள் சிரமம் அடைந்தனர். தொடர் மழை காரணமாக கொட்டகுடியாற்றில் சற்றும் எதிர்பாராத வகையில் திடீர் வெள்ளம் ஏற்பட்டது. இந்நிலையில், போடி மற்றும் அதன் சுற்றுப்புறங்களில் வேலைகளுக்கும் பள்ளிக்கூடத்திற்கும் சென்று திரும்பிய கிராம மக்கள் ஆபத்தான முறையில், ஆற்று நீரில் உயிரை பணயம் வைத்து வீடு திரும்பினர்.

கனமழை காரணமாக தேனி மாவட்டம் பெரியகுளத்தில் உள்ள வராக நதியில் நீர்வரத்து அதிகரித்துள்ளது. மேற்கு தொடர்ச்சி மலைப்பகுதிகளான கல்லாறு வனப்பகுதியில் தொடர்ச்சியாக கனமழை பெய்தது. இதன் காரணமாக வராக நதியில் நீர்வரத்து அதிகரித்துள்ள நிலையில், பெரியகுளத்தில் உள்ள குளங்கள் நிறையும் நிலையில் உள்ளன. தொடர்ந்து மழை பெய்து வருவதால், விவசாயிகள் மகிழ்ச்சி அடைந்துள்ளனர்.