வெட்டியாக சுற்றியதை தட்டிக்கேட்ட மாமனாரை போட்டு தள்ளிய மருமகன்.. மாமியாருக்கு உருட்டு கட்டையால் அடி

வேலைக்கு செல்லாத மருமகனைத் தட்டிக்கேட்ட மாமனார் கொலை செய்யப்பட்ட சம்பவம் பரபரப்பை ஏற்படுத்தியுள்ளது... செங்கல்பட்டு மாவட்டம் பொன்விளைந்த களத்தூரைச் சேர்ந்த துலுக்காணம் என்பவரது 2வது மகள் ஜெயந்திக்கும், அதே பகுதியைச் சேர்ந்த டார்ஜனுக்கும் திருமணமாகி 3 குழந்தைகள் உள்ளனர். ஆனால் டார்ஜன் வேலைக்கு செல்லாமல் ஊர் சுற்றி வரவே, அவரை துலுக்காணமும் அவரது மனைவி சம்பூரணமும் தட்டிக் கேட்டுள்ளனர்... ஆத்திரம் அடைந்த டார்ஜன், இருவரையும் கட்டையால் தாக்கி விட்டு தப்பியோடிய நிலையில், துலுக்காணம் ரத்த வெள்ளத்தில் துடிதுடித்து உயிரிழந்தார். சம்பூர்ணம் படுகாயங்களுடன் மருத்துவமனையில் அனுமதிக்கப்பட்டுள்ளார். மறைமலர் நகரில் உள்ள உறவினர் வீட்டில் பதுங்கியிருந்த டார்ஜனை போலீசார் கைது செய்து சிறையில் அடைத்தனர்.