மது போதையில் லாரியை ஓட்டிவந்த நபர்... லாரியை நிறுத்தி போலீசாரிடம் ஒப்படைத்த மக்கள்

ஓசூர் அருகே, மதுபோதையில் லாரியை இயக்கி வந்த நபர், போலீசாருடன் வாக்குவாதத்தில் ஈடுபட்டுள்ளார். கர்நாடகாவிலிருந்து தமிழகம் நோக்கி வந்த லாரி, கிருஷ்ணகிரி மாவட்டம் பாகலூர் அருகே, சாலையில் தாறுமாறாக சென்றுள்ளது. இதைப் பார்த்த அப்பகுதி மக்கள், லாரியை தடுத்து நிறுத்தி, மதுபோதையில் இருந்த ஓட்டுநரை, போலீசாரிடம் ஒப்படைத்தனர். இதனிடையே, மது போதையில் இருந்த அந்த நபர், போலீசாரிடம் ஆவணங்களை தர மறுத்து, வாக்குவாதத்தில் ஈடுபட்டதால், அப்பகுதி பரபரப்பானது.