இளைஞரை வெட்டிக் கொன்று தப்பிய கும்பல்...கும்பலின் தலைவன் பெங்களூரில் கைது

சென்னை திருவல்லிக்கேணியில் கடந்த டிசம்பர் மாதம், முகமது ஹர்ஷத் என்ற இளைஞரை 8 பேர் கொண்ட கும்பல் பட்டாக்கத்தியால் வெட்டி விட்டு, பணம் மற்றும் செல்போனை பறித்துக் கொண்டுச் தப்பி சென்றது.

அன்று இரவே அண்ணா நகரிலும் அந்த கும்பல் கைவரிசையை காட்டியுள்ளது.

இதையடுத்து, அண்ணா நகர் போலீசாரும், திருவல்லிக்கேணி போலீசாரும் இணைந்து விசாரித்ததில் ரவுடி இளங்கோ தலைமையிலான கும்பல், வழிப்பறியில் ஈடுபட்டது தெரியவந்தது.

அவர்களில் மற்ற குற்றவாளிகள் கைதான நிலையில், முக்கிய குற்றவாளியான ரவுடி இளங்கோவை, தனிப்படை போலீசார், பெங்களூரில் கைது செய்தனர்.

விசாரணையில், தனது காதலியை தன்னிடம் இருந்த பிரித்த ஸ்ரீதர் என்பவரை கொலை செய்ய திருவல்லிக்கேணிக்குச் சென்றபோது, அவர் அங்கு இல்லாததால் திரும்பி வரும்போது முகமது ஹர்ஷத்தை கொலை செய்ததாக கூறினார்.

மேலும், வேலூர் மாவட்டத்தில் 3 இளைஞர்களைக் கொன்று ஆற்றங்கரையில் புதைத்ததும் தங்கள் கும்பல்தான் என்று அவர் கூறினார்.

அவரிடம் போலீசார் மேற்கொண்டு விசாரணை நடத்தி வருகின்றனர்.