பைக்கில் சென்றவர்களை மடக்கிய யானை..லாரியை குறுக்கே விட்டு ஓட்டுநர் செய்த செயல் - தப்பித்த திக் திக் காட்சிகள்

முதுமலை வனப்பகுதியில், இருசக்கர வாகனத்தில் சென்றவர்களை யானை வழிமறித்த நிலையில், அவர்கள் லாரியில் ஏறி தப்பித்த காட்சிகள் வெளியாகி உள்ளன. கேரளாவில் இருந்து முதுமலை வனப்பகுதி வழியாக கர்நாடகாவுக்கு இரு சக்கர வாகனத்தில் இரண்டுபேர் சென்றபோது, அபயாரணயம் பகுதி அருகே ஒற்றை காட்டு யானை ஆக்ரோசமாக எதிரே வந்துள்ளது. யானையை கண்டதும் இருசக்கர வாகனத்தில் சென்றவர்கள் நிலை தடுமாறிய நிலையில், அந்த வழியாக சென்ற லாரி ஓட்டுநர், லாரியை யானை முன்பாக நிறுத்தி இருவரையும் லாரியில் ஏற்றி காப்பாற்றினார். இதனை அந்த வழியாக சென்றவர்கள் வீடியோ பதிவு செய்த நிலையில், அந்த காட்சிகள் சமூக வலைதளங்களில் வேகமாக பரவி வருகிறது.