ஆபத்தில் முடிந்த கொண்டாட்டம்... ஒரே பைக்கில் சென்ற 3 பேர்... லாரியில் மோதி பலி

செங்கல்பட்டு மாவட்டம் கரும்பாக்கம் பகுதியில், நின்றிருந்த லாரி மீது இருசக்கர வாகனம் மோதியதில், இளைஞர்கள் மூன்று பேர் உயிரிழந்தனர். உடனடியாக சம்பவ இடத்துக்கு சென்ற போலீசார், மூவரின் சடலங்களையும் கைப்பற்றி செங்கல்பட்டு அரசு மருத்துவமனைக்கு அனுப்பி வைத்தனர். இது குறித்து போலீசார் மேற்கொண்ட விசாரணையில், புத்தாண்டை கொண்டாட ஒரே இருசக்கர வாகனத்தில் சென்ற மூன்று பேர், கட்டுப்பாட்டை இழந்து லாரி மீது மோதியது தெரியவந்தது.