முட்புதரில் இருந்த கணினி ஆசிரியர் சடலம் - போலீசார் சொன்ன அதிர்ச்சி தகவல்
மதுரை மாவட்டம் திருமங்கலம் அருகே முட்புதரில் இருந்து கணினி ஆசிரியர் சடலமாக மீட்கப்பட்ட சம்பவம் அப்பகுதியில் பரபரப்பை ஏற்படுத்தியுள்ளது.
சுங்குராம்பட்டியில் உள்ள தனியார் கல்லூரியின் பின்புறம் உள்ள முட்புதரில் அழுகிய நிலையில் சடலம் ஒன்று கிடப்பதாக போலீசாருக்கு தகவல் கிடைத்தது.
தகவலின் பேரில், சம்பவ இடத்திற்கு சென்ற போலீசார் சடலத்தை கைப்பற்றி விசாரணை மேற்கொண்டதில், அவர் பெயர் பாஸ்கர் என்பதும், அரசு மேல்நிலைப் பள்ளியில் கணினி ஆசிரியராக பணியாற்றி வந்ததும் தெரிய வந்தது.
மேலும், அவர் விஷம் அருந்தி தற்கொலை செய்து கொண்டதாக போலீசார் தெரிவித்தனர்.