நம்பர் பிளேட் இல்லாமல் வந்த பைக்..மடக்கி பிடித்த போலீஸ் - இருவர் சொன்ன பதிலால் அதிர்ச்சி

பல்வேறு மாவட்டங்களில் இருசக்கர வாகனங்களை திருடிய 2 பேரை ஸ்ரீவைகுண்டம் அருகே உள்ள போலீசார் கைது செய்தனர். கருங்குளம் அருகே உள்ள தாதன்குளம் ரயில்வே கேட் அருகில் போலீசார் வாகன சோதனையில் ஈடுபட்டிருந்தபோது, நம்பர் பிளேட் இல்லாத இருசக்கர வாகனத்தில் வந்த இரண்டு பேரை போலீசார் மடக்கி பிடித்து விசாரித்தனர். அவர்களிடம் நடத்திய விசாரணையில், தூத்துக்குடி, திருநெல்வேலி, கன்னியாகுமரி ஆகிய மாவட்டங்களில் 21 இருசக்கர வாகனங்களைத் திருடி விற்றதை ஒப்புக் கொண்டனர். முதல்கட்டமாக, 10 லட்ச ரூபாய் மதிப்பிலான 13 இருசக்கர வாகனங்களை போலீசார் மீட்டுள்ளனர்.