ஆசிரியர்கள், மாணவர்கள் கவனத்திற்கு... ஜன.1 முதல்...வெளியான முக்கிய அறிவிப்பு

மாநிலம் முழுவதும் அரசு பள்ளி ஆசிரியர்கள், ஊழியர்கள், மாணவர்களுக்கு கல்வித்துறை செயலி மூலமாக வருகை பதிவேடு ஏற்கனவே இருந்து வருகிறது. எனினும் வருகை பதிவேற்றத்திற்காக TNSED என்ற தனி செயலி உருவாக்கப்பட்டுள்ளது. இந்த செயலி மூலமாக வரும் ஜனவரி ஒன்றாம் தேதி முதல் மாணவர்கள், ஆசிரியர்கள், ஊழியர்கள் வருகை பதிவேடு மேற்கொள்ள வேண்டும் என பள்ளி கல்வித்துறை தெரிவித்துள்ளது. சோதனை அடிப்படையில், தஞ்சை மாவட்டத்தில் இரண்டு மாதங்களாக இந்த செயலி செயல்படுத்தப்பட்டது. இது வெற்றிகரமாக அமைந்ததால், அனைத்து மாவட்டங்களிலும் ஜனவரி 1 முதல் அமல்படுத்த வேண்டும் என பள்ளிக்கல்வி ஆணையர் உத்தரவிட்டு உள்ளார்.