துரத்தி துரத்தி கடிக்கும் தெருநாய்கள்...- சிறுவர்களை பாதுகாக்க துப்பாக்கியுடன் வலம்

கேரள மாநிலம் காசர்கோடு மாவட்டத்தில், தெரு நாய்களிடம் இருந்து சிறுவர்களை பாதுகாக்க ஒருவர் துப்பாக்கியுடன் செல்லும் காட்சி சமூக வலைதளங்களில் பரவி வருகிறது. கேரளாவில் தெருநாய்களின் தொல்லை அதிகரித்து வருகிறது. குறிப்பாக குழந்தைகளை தெரு நாய் கடித்த நிகழ்வு பரபரப்பை ஏற்படுத்தியது. இந்நிலையில், காசர்கோடு பேக்கல் ஹதாத் நகரை சேர்ந்த சமீர் என்பவர், மதரஸாவுக்கு செல்லும் சுமார் 13 மாணவர்களை துப்பாக்கி ஏந்தி அழைத்து சென்றார். அப்போது, எந்த தெருநாய் வந்தாலும் அதை சுடுவேன் என்று அவர் தெரிவித்துள்ள நிலையில், இது தொடர்பான வீடியோ சமூக வலைதளங்களில் பரவி வருகிறது.