தமிழ்நாடு கைப்பந்து சங்கத்தின் 70-ஆவது மாநில அளவிலான சீனியர் வாலிபால் சாம்பியன்ஷிப் தொடரில், மகளிர் பிரிவில் ஐ.சி.எப். அணியும், ஆடவர் பிரிவில் எஸ்.ஆர்.எம். பல்கலைக்கழக அணியும் சாம்பியன் பட்டத்தை வென்றுள்ளன. சென்னை நேரு விளையாட்டு அரங்கில் கடந்த 11-ஆம் தேதி முதல் நடந்த போட்டிகளில், ஆடவர் பிரிவில் 32 அணிகளும், பெண்கள் பிரிவில் 49 அணிகளும் பங்கேற்று விளையாடின. இறுதிப் போட்டியில் வெற்றி பெற்ற அணிகளுக்கு கோப்பைகள், சான்றிதழ்கள் மற்றும் ரொக்கப் பரிசுகளை விளையாட்டுத் துறை அமைச்சர் மெய்யநாதன் வழங்கினார்.