மனைவியுடன் தகாத உறவில் இருந்த நபரை, கணவன் கல்லால் அடித்து கொன்ற சம்பவம் சிவகாசியில் அரங்கேறியுள்ளது.

சிவகாசி அருகே உள்ள விசுவநத்தம் காலனியில் வசிப்பவர்கள் பாண்டி செல்வம் - ரூபா தம்பதி. ரூபாவிற்கும் அதேப்பகுதியைச் சேர்ந்த கருப்பசாமி என்பவருக்கும் தகாத உறவு ஏற்பட்டுள்ளது. பாண்டிச் செல்வம் வீட்டை விட்டு வெளியே சென்ற போது, ரூபாவும் அவரது கள்ளக்காதலனும் வீட்டில் தனிமையில் இருந்துள்ளனர். இதுக்குறித்து பாண்டிச் செல்வத்திற்கு தெரிந்த நிலையில், கள்ளக்காதலன் கருப்பசாமியை கல்லால் அடித்து கொலை செய்துள்ளார். இச்சம்பவம் குறித்து வழக்குப்பதிவு செய்த போலீசார், பாண்டிச் செல்வத்தையும் மனைவி ரூபாவையும் கைது செய்து சிறையில் அடைத்தனர்.