குடிக்கும் நீரில் மிதந்த சாக்கடை கழிவு.. மனம் வெறுத்து கேள்வி கேட்ட மக்கள் - அலட்சியமாக பதிலளித்த அதிகாரிகள்

கோவையில், குடிநீர் குழாயில் கழிவுநீர் கலந்து வருவதால் பொதுமக்கள் அதிர்ச்சியடைந்துள்ளனர். புலியகுளம், கருப்பராயன் கோயில் வீதியில் 200-க்கும் மேற்பட்ட குடும்பத்தினர் வசித்து வருகின்றனர். இப்பகுதியில் உள்ள குடிநீர் குழாயில் இருந்து, கடந்த சில மாதங்களாக சாக்கடை நீர் வெளியேறி வருகிறது. இதனால், பொதுமக்கள் இந்த குடிநீர் குழாயை பயன்படுத்தாமல், அருகிலுள்ள குடியிருப்புகளிலிருந்து குடிநீர் எடுத்து பயன்படுத்தி வருகின்றனர். நேற்று இக்குழாயில் குடிநீர் வந்தபோது சாக்கடை கழிவுகள் கலந்து வந்துள்ளது. இது தொடர்பாக பலமுறை புகார் அளித்தும் நடவடிக்கை எடுக்கவில்லை என அப்பகுதி மக்கள் தெரிவித்துள்ளனர்.