செங்கல்பட்டு தாலுகா காவல் நிலைய குற்றப்பிரிவு காவலர் அருள், பரனூர் சுங்கச்சாவடியில் பணியில் இருந்துள்ளார். அப்போது இருசக்கர வாகனத்தில் சென்ற 2 பேர், மற்றொரு வாகனத்தில் சென்றவர்களிடம் கத்தியை காட்டி மிரட்டி பணம் பறிக்க முயன்றனர். இதனை கண்ட காவலர் அருள் அவர்களை பிடிக்க முயன்றார். அப்போது அந்த கும்பல் காவலரை கத்தியால் தோள்பட்டையில் வெட்டிவிட்டு தப்பியது. ஆனாலும் விடாது துரத்திச் சென்ற அருள், சுதர்சன் என்பவரை பிடித்தார். படுகாயமடைந்த அருள் மருத்துவமனையில் அனுமதிக்கப்பட்ட நிலையில் வழக்குப்பதிவு செய்த போலீசார் விசாரணை நடத்தி வருகின்றனர்.