சபரிமலை கோவில்.. ஒரே நாள்ல இவ்ளோ பக்தர்களா..! அசந்து போன கோயில் நிர்வாகம்
சபரிமலை ஐயப்பன் கோயிலில் ஒரே நாளில் 80 ஆயிரத்திற்கு மேற்பட்ட பக்தர்கள் சாமி தரிசனம் செய்துள்ளனர்.
கேரள மாநிலம் சபரிமலை ஐயப்பன் கோயிலில் மண்டல பூஜை தொடங்கியதில் இருந்து பக்தர்கள் கூட்டம் அலைமோதுகிறது. இம்முறை சனி, ஞாயிறு உள்ளிட்ட விடுமுறை நாட்கள் மட்டுமின்றி விடுமுறை இல்லாத நாட்களிலும் ஆயிரக்கணக்கான பக்தர்கள் வந்த வண்ணம் உள்ளனர். அதன்படி, கடந்த 3 நாட்களில் இரண்டரை லட்சம் பக்தர்கள் சாமி தரிசனம் செய்துள்ள நிலையில், நேற்று மட்டும் 80 ஆயிரத்திற்கு மேற்பட்டோர் சாமி தரிசனம் செய்துள்ளனர். வரும் நாட்களில் கூட்டம் மேலும் அதிகரிக்கும் என தேவசம்போர்டு தெரிவித்துள்ளது. இந்நிலையில் பாதுகாப்பிற்காக கூடுதல் போலீசார் பணியமர்த்தப்பட உள்ளதாகவும் கூறப்படுகிறது.