ஆர்.ஐ.மனைவியின் பவரை காட்டி வசூல் வேட்டையில் இறங்கிய கணவர் - போலீசை பார்த்ததும் பம்மிய காட்சிகள்

லாரியை மடக்கி பணம் கேட்டு மிரட்டியதாக, வருவாய் ஆய்வாளரின் கணவரிடம் போலீசார் விசாரணை நடத்தி வருகின்றனர். கிருஷ்ணகிரி மாவட்டத்தில்போச்சம்பள்ளியில் இருந்து எம்.சேண்ட் ஏற்றிக் கொண்டு சென்ற டிப்பர் லாரியை, முல்லை நகரில் போச்சம்பள்ளி வருவாய் ஆய்வாளர் ஜெயபிரபாவின் கணவர் கோவிந்தராஜ் தடுத்து நிறுத்தியுள்ளார். தன்னை வருவாய் ஆய்வாளர் என்று கூறிக் கொண்டு, லாரி ஓட்டுனரிடம் பணம் கேட்டு மிரட்டியதாக கூறப்படுகிறது. இதனால் சம்பவ இடத்துக்கு காவல் ஆய்வாளர் பிரபாவதி விசாரித்தபோது, வருவாய் ஆய்வாளர் அலுவலகத்தில் வேலையாக இருப்பதால் தன்னை வாகன சோதனையில் ஈடுபட வைத்ததாக கோவிந்தராஜ் கூறியுள்ளார். இதையடுத்து, அவரையும், அவர் வாகனத்தையும் பிடித்து போலீசார் விசாரணை மேற்கொண்டனர். இந்த சம்பவம் குறித்து, வருவாய் ஆய்வாளர் ஜெயபிரபாவிடம் கேட்டதற்கு, கிராம நிர்வாக அலுவலரைத்தான் வாகன சோதனைக்கு போக சொன்னதாகவும், தனது கணவர் அவ்வழியே சென்றதால் வாகன சோதனையில் ஈடுபட்டுவிட்டார் என்றும் பதிலளித்துள்ளார்.