"ராகுல் காந்தி பதவி பறிப்பு "..."சூரத் நீதிமன்றத் தீர்ப்பு ஏற்புடையதல்ல"- சீமான் ஆவேசம்

ராகுல் காந்தியின் மக்களவை உறுப்பினர் பதவியை பறித்திருப்பது ஜனநாயக விரோதம் என, நாம் தமிழர் கட்சியின் தலைமை ஒருங்கிணைப்பாளர் சீமான் குற்றம் சாட்டியுள்ளார். இதுகுறித்து சீமான் வெளியிட்டுள்ள அறிக்கையில், தேர்தல் பரப்புரையில் பிரதமர் நரேந்திர மோடியை விமர்சித்துப் பேசியதற்தாக 2 ஆண்டு சிறைத்தண்டனை விதித்திருக்கும் சூரத் நீதிமன்றத்தின் தீர்ப்பு எந்த வகையிலும் ஏற்புடையதல்ல என குறிப்பிட்டுள்ளார். இந்திய அரசியலமைப்புச் சட்டம் வழங்கியிருக்கும் கருத்துரிமை எனும் அடிப்படை உரிமையையே முற்றாகப் பறிக்கும் வகையில் வழங்கப்பட்ட இத்தீர்ப்பை முழுமையாக எதிர்ப்பதாகவும் சீமான் தெரிவித்துள்ளார்.