அப்பாவோடு சண்டையிட்ட நபருக்கு ஸ்கெட்ச்... ஆயுதத்தோடு பக்காவாக காத்திருந்த சிறார்கள்... சிக்கினார் அவர்..! இங்க தான் டுவிஸ்ட்..
- தனது தந்தையிடம் தொடர்ந்து தகராறு செய்தவரை கொலை செய்ய திட்டமிட்டு ஆயுதங்களுடன் பதுங்கியிருந்த இரண்டு சிறார்கள் உட்பட மூவரை போலீசார் கைது செய்தனர்.
- புதுச்சேரியில் தமிழக பேருந்துகள் நிறுத்தும் பணிமனை அருகே சிலர் பயங்கர ஆயுதங்களுடன் பதுங்கியிருப்பதாக போலீசாருக்கு தகவல் கிடைத்துள்ளது. இதனடிப்படையில், சம்பவ இடத்திற்கு சென்ற போலீசார் தீவிர கண்காணிப்பு பணியில் ஈடுபட்டனர்.
- அப்போது, போலீசாரை கண்டதும் தெறித்து ஓடிய கும்பலில் இரண்டு சிறார்கள் மற்றும் மணிமாறன் என்ற இளைஞரையும் பிடித்து போலீசார் விசாரணை நடத்தினர்.
- இதில், கொசப்பாளையத்தை சேர்ந்த சகோதரர்களான இரண்டு சிறார்கள், தங்களின் தந்தையுடன் பொன்னுச்சாமி என்பவர் தொடர்ந்து தகராறு செய்து வந்ததாகவும், இதனால் அவரை கொலை செய்ய திட்டம் திட்டி நண்பர்களுடன் பதுங்கி இருந்ததாகவும் கூறியுள்ளனர்
- . இந்நிலையில், இளைஞரை கைது செய்து சிறையில் அடைத்த போலீசார், இரண்டு சிறார்களையும் கூர் நோக்கு இல்லத்தில் அடைத்த நிலையில், கும்பலில் தப்பியோடியவர்களை தேடி வருகின்றனர்.