பிலாஸ்பூர் எய்ம்ஸ் மருத்துவமனை திறப்பு... நாட்டு மக்களுக்கு அர்ப்பணித்தார் பிரதமர் மோடி

இமாச்சல் பிரதேசத்தில் புதியதாக கட்டப்பட்டுள்ள பிலாஸ்பூர் எய்ம்ஸ் மருத்துவமனையை பிரதமர் மோடி திறந்து வைத்து, நாட்டு மக்களுக்கு அர்ப்பணித்தார்.

இமாச்சல் பிரதேசத்தில் பிலாஸ்பூரில் 247 ஏக்கர் பரப்பில் ஆயிரத்து 470 கோடி மதிப்பில் கட்டப்பட்டுள்ள எய்ம்ஸ் மருத்துவமனையை பிரதமர் மோடி, ரிப்பன் வெட்டி திறந்து வைத்தார்.

பின்னர் மருத்துவனையை சுற்றிப் பார்த்த அவரிடம், மருத்துவமனை மாதிரி மூலம் துறை சார்ந்த மருத்துவ பிரிவுகள் குறித்து மருத்துவர்கள், அதிகாரிகள் விளக்கம் அளித்தனர்.

பிரதமர் மோடி திறந்து வைத்த மருத்துவமனையில், 18 சிறப்பு மற்றும் 17 தனிசிறப்பு பிரிவுகள், 64 தீவிர சிகிச்சை படுக்கைகளுடன் மொத்தம் 750 படுக்கைகள் மற்றும் அனைத்து வசதிகளையும் உள்ளடக்கிய அறுவை சிகிச்சை அரங்குகள் இருப்பது குறிப்பிடத்தக்கது