பொங்கல் பரிசுத்தொகை ரூ.1000 - வீட்டுக்கு வருமா? போய் வாங்க வேண்டுமா?

ஆயிரம் ரூபாய் ரொக்கப்பணம் மற்றும் அரிசி, சர்க்கரை உள்ளிட்ட பொருட்கள் அடங்கிய பொங்கல் பரிசு தொகுப்பு வழங்கும் திட்டத்தை, ஜனவரி 2ஆம் தேதி முதலமைச்சர் ஸ்டாலின் தொடங்கி வைக்க உள்ளார். இந்நிலையில், பரிசு தொகுப்பை பெறுவதற்கான டோக்கன்களை ரேஷன் கடை ஊழியர்கள், நாளை 27ஆம் தேதி முதல் பயனாளர்களின் வீடுகளுக்கே சென்று விநியோகிக்க உள்ளதாக தகவல் வெளியாகியுள்ளது. தினமும் 100 முதல் 200 கார்டுகளுக்கு டோக்கன்கள் விநியோகம் செய்ய திட்டமிடப்பட்டுள்ள நிலையில், எந்த தேதியில், எந்த நேரத்தில் பொருட்களை பெற வேண்டும் என்ற விவரங்கள் டோக்கனில் இடம் பெற்றிருக்கும் என தெரிவிக்கப்பட்டுள்ளது.