பொங்கல் பண்டிகையையொட்டி சென்னையிலிருந்து சிறப்பு ரயில்கள் இயக்கப்படும் என தெற்கு ரயில்வே மதுரை கோட்டம் அறிவித்துள்ளது. பொங்கல் பண்டிகை முன்னிட்டு சென்னையில் இருந்து நாகர்கோவில் மற்றும் திருநெல்வேலிக்கு சிறப்பு ரயில்கள் இயக்க ஏற்பாடு செய்யப்பட்டுள்ளது. அதன்படி தாம்பரத்திலிருந்து நாகர்கோவிலுக்கு செல்லும் சிறப்பு கட்டண ரயில், வரும் ஜனவரி 13 ஆம் இரவு 7.30 மணிக்கு புறப்படவுள்ளது. தாம்பரத்திலிருந்து திருநெல்வேலி செல்லும் சிறப்பு கட்டண ரயில், வரும் ஜனவரி 12 ஆம் தேதி இரவு 9 மணிக்கு புறப்படுகிறது. அதேபோல் மற்றொரு தாம்பரம் - திருநெல்வேலி சிறப்பு கட்டண ரயிலானது, ஜனவரி 16 ஆம் தேதி இரவு 10.30 மணிக்கு புறப்படவுள்ளது.