"அட..! யாருங்க இந்த மிஸ்..?" மலர் டீச்சரை மிஞ்சிய டான்ஸ் - இணையத்தை கலக்கும் வீடியோ

திருவாரூர் நகரத்திற்கு உட்பட்ட விளமல் பகுதியில் அமைந்துள்ள தனியார் மெட்ரிகுலேஷன் பள்ளி ஒன்றில் நடைபெற்ற ஆண்டு விழாவில் யூ டியுப் பிரபலங்களான ஸ்ரீ சகோதரிகள் சிறப்பு விருந்தினராக கலந்து கொண்டு பாடல்களை பாடினர். இந்த பள்ளி ஆண்டு விழாவில் விருமன் படத்தில் இடம்பெற்ற மதுரவீரன் அழகுல என்கிற பாடல் மற்றும் பீஸ்ட் படத்தில் இடம்பெற்ற ஜாலியோ ஜிம்கானா பாடலுக்கு அந்த பள்ளி மாணவ மாணவிகள் நடனமாடினர். அப்போது மேடைக்கு கீழே பார்வையாளர்கள் பக்கத்தில் நின்றிருந்த பள்ளி ஆசிரியை ஒருவர் மேடையில் ஆடும் மாணவ மாணவிகளுக்கு நடன அசைவுகளை சொல்லி கொடுக்கிறார். இந்த வீடியோ சமூக வலைதளங்களில் பரவி வருகிறது.