"இனிமே எல்லா பொருள் விலையும் ஏற போகுது.. மக்களுக்கு தான் கஷ்டம்" - டோல்கெட்டில் புலம்பி தள்ளும் வாகன ஓட்டிகள்

மதுரை மாவட்டம் திருமங்கலம் அருகே உள்ள கப்பலூர் சுங்கச்சாவடியில் நள்ளிரவு முதல் கட்டண உயர்வு அமல்படுத்தப்பட்ட நிலையில் வாகன ஓட்டிகள் கடும் அதிருப்தி அடைந்துள்ளனர். கார், ஜீப், வேன் மற்றும் இலகுரக வாகனங்கள் ஒருமுறை சுங்கச்சாவடியினை கடந்து செல்ல 100 ரூபாயும், 24 மணி நேர பயன்பாட்டிற்கு 150 ரூபாயும், 50 தடவை பயன்பாட்டிற்கான மாத கட்டணமாக 3 ஆயிரத்து 280 ரூபாயாகவும் உயர்த்தப்பட்டுள்ளது. இதேபோல் 6 அச்சு வரையிலான கனரக வாகனங்களுக்கும் சுங்கக்கட்டணம் உயர்த்தப்பட்டுள்ளதால் வாகன ஓட்டிகள் அவதி அடைந்துள்ளனர்...