இந்தியாவில் தயாரிக்கப்பட்ட இலகு ரக போர் ஹெலிகாப்டர் இன்று விமானப்படையில் இணைக்கப்பட உள்ளது. சுயசார்பு இந்தியா திட்டத்தின் கீழ் ஹிந்துஸ்தான் ஏரோநாட்டிகல்ஸ் லிமிட்டேட் இந்த இலகு ரக போர் விமானத்தை தயாரித்துள்ளது. ராஜஸ்தான் மாநிலம் ஜோத்பூரில் இன்று நடைபெற உள்ள விமானப்படை நிகழ்ச்சியில், இந்த ஹெலிகாப்டர் விமானப்படையில் இணைக்கப்பட உள்ளது. இதில், பாதுகாப்புத்துறை அமைச்சர் ராஜ்நாத் சிங் பங்கேற்க உள்ளார். இந்த இலகு ரக போர் விமானத்தை விமானப்படையில் சேர்ப்பதன் மூலம், விமான்ப்படையின் பலம் அதிகரிக்கும் என டிவிட்டரில் அவர் பதிவிட்டுள்ளார்.