"கேரளா மெட்ரோ படகு..அச்சப்பட வேண்டாம்" - கேஎம்ஆர்எல் இயக்குனர் லோக்நாத் பெஹ்ரா தகவல்

கேரளா மாநிலம், மலப்புரத்தில் உள்ள தனூரில் நடந்த சுற்றுலாப் படகு விபத்தில் 22 பேர் உயிரிழந்தனர். இந்நிலையில், கடந்த மாதம் 25-ஆம் தேதி பிரதமர் மோடி தொடங்கி வைத்த கொச்சி மெட்ரோ படகு சேவை குறித்து பொதுமக்கள் மத்தியில் அச்சம் எழுந்தது. இந்நிலையில், கொச்சி மெட்ரோ படகில் அனைத்து பாதுகாப்பு அம்சங்களும் இருப்பதாக கொச்சி மெட்ரோ ரயில் நிறுவனத்தின் மேலாண் இயக்குனர் லோக்நாத் பெஹ்ரா கூறினார். மெட்ரோ படகில் பயணிகள் எண்ணிக்கையில் கடும் கட்டுப்பாடு கடைப்பிடிக்கப்படுவதாகவும், மெட்ரோ பயணம் குறித்து பொதுமக்கள் அச்சப்பட தேவையில்லை என்றும் அவர் கூறினார்.