"கேள்விகேட்டா சஸ்பெண்டா..? விடமாட்டேன்..." - ஒற்றை MPஆல் பரபரப்பில் நாடாளுமன்றம்

சஸ்பெண்ட் நடவடிக்கைக்கு எதிர்ப்பு தெரிவித்து ஆம் ஆத்மி கட்சியை சேர்ந்த மாநிலங்களவை உறுப்பினர் சஞ்சய் சிங், நாடாளுமன்ற வளாகத்தில் தொடர்ந்து 2வது நாளாக இன்றும் உள்ளிருப்பு போராட்டத்தில் ஈடுபட்டுள்ளார்.

மாநிலங்களவை நடவடிக்கைக்கு இடையூறு ஏற்படுத்தியதாகவும், அவை தலைவரின் உத்தரவை தொடர்ந்து மீறியதாகவும், ஆம் ஆத்மி கட்சியை சேர்ந்த மாநிலங்களவை உறுப்பினர் சஞ்சய் சிங்கை, நடப்பு கூட்டத்தொடர் முழுவதும் சஸ்பெண்ட் செய்து மாநிலங்களவை தலைவர் நேற்று உத்தரவிட்டார். இதற்கு எதிர்ப்பு தெரிவித்து சஞ்சய் சிங், நாடாளுமன்ற வளாகத்தில் தொடர்ந்து உள்ளிருப்பு போராட்டத்தில் ஈடுபட்டுள்ளார். அவருக்கு ஆதரவாக காங்கிரஸ் எம்.பி ஜெ.பி மேத்தர், திரிணாமூல் காங்கிரஸ் எம்.பி டோலாசென் உள்ளிட்டோரும் போராட்டத்தில் ஈடுபட்டுள்ளனர். விடிய விடிய போராட்டம் நடைபெற்ற நிலையில், 2வது நாளாக இன்றும் உள்ளிருப்பு போராட்டம் தொடர்கிறது. மணிப்பூர் விவகாரம் குறித்து நாடாளுமன்றத்தில் பிரதமர் அறிக்கை அளிக்க வேண்டும் என்றும் வலியுறுத்தினர்.