ரொம்ப நேரம் கழித்து வந்த பேருந்து.. முண்டியடித்து ஏறிய பயணிகள் - பஸ் ஸ்டாண்டில் காத்து கிடந்த மாணவிகள் - ஆட்சியர் போட்ட அதிரடி உத்தரவு

சின்னசேலம் பேருந்து நிலையத்தில் இயக்கப்பட்ட பேருந்தில், மாணவர்கள் ஆபத்தான முறையில் படியில் பயணம் செய்த சம்பவம் அதிர்ச்சியை ஏற்படுத்தி உள்ளது.

கள்ளக்குறிச்சி மாவட்டம் சின்னசேலம் பேருந்து நிலையத்தில் இருந்து, தடம் எண் 26, 37, 47 ஆகிய நகர பேருந்துகள் இயக்கப்படவில்லை என கூறப்படுகிறது.

இதனால் பொதுமக்கள், பள்ளி கல்லூரி மாணவ மாணவிகள் வீட்டுக்கு செல்ல முடியாமல், மாலையிலிருந்து சின்னசேலம் பேருந்து நிலையத்தில் நின்றபடி இருந்தனர்.

இதையடுத்து ஒரேயொரு நகர பேருந்து மட்டும் இயக்கப்பட்ட நிலையில், பொதுமக்கள் முண்டியடித்து பேருந்தில் ஏறினர்.

மாணவர்கள் ஆபத்தான முறையில் படிக்கட்டில் தொங்கியபடி பயணம் செய்த நிலையில், மாணவிகள் பேருந்து நிலையத்திலேயே காத்து கிடந்தனர்.

இதையடுத்து மாற்று ஓட்டுநர்களை கொண்டு பேருந்துகளை இயக்க, மாவட்ட ஆட்சியர் உத்தரவிட்டார்.