வந்தே பாரத் ரயில் மீது மோதும் கால்நடைகளை தடுக்க, இரும்பு வேலிஅமைக்கும் பணி தொடங்கியது

வந்தே பாரத் ரயில் மீது கால்நடைகள் மோதி விபத்து ஏற்படுவதை தடுக்கும் வகையில் இரும்பு வேலி அமைக்கும் பணிகள் தொடங்கியுள்ளது.

இந்தியாவின் அதிவேக ரயிலான வந்தே பாரத் ரயில் சேவை, கடந்த ஆண்டு செப்டம்பர் மாதம் 30-ஆம் தேதி தொடங்கப்பட்டது.

இந்நிலையில், வந்தே பாரத் ரயில் மீது அடிக்கடி கால்நடைகள் மோதி விபத்துக்குள்ளானது. இதனை தடுக்கும் விதமாக மும்பை - அகமதாபாத் வரையிலான ரயில் பாதைக்கு அருகில் 622 கிலோமீட்டர் தொலைவிற்கு இரும்பு வேலி அமைக்கும் பணி தொடங்கியுள்ளது.

சுமார் 245 கோடி ரூபாய் மதிப்பீட்டில் இந்த பணிகள் நடைபெறுவதாக மேற்கு ரயில்வே நிர்வாகம் தெரிவித்துள்ளது.