அரசு கல்லூரியில் மாணவியை கடித்த பாம்பு கட்டை பையில் எடுத்து வந்ததால் பரபரப்பு | Dindigul

திண்டுக்கல் அரசு மகளிர் கல்லூரியில் மாணவியை பாம்பு கடித்த சம்பவம் அதிர்ச்சியை ஏற்படுத்தியுள்ளது. திண்டுக்கல் அரசு மகளிர் கல்லூரியில் முதலாம் ஆண்டு படித்து வருபவர் மீனா. இன்று காலை கல்லூரி மைதானத்தில் நின்று கொண்டிருந்த மாணவி மீனாவின் காலில் பாம்பு கடித்தது. அருகில் இருந்த பேராசிரியர்கள் உடனடியாக மாணவியை மீட்டு மருத்துவமனைக்கு அழைத்துச் சென்றனர். அங்கு மாணவிக்கு தீவிர சிகிச்சை அளிக்கப்பட்டு வருகிறது. சிகிச்சைக்காக மாணவியை அழைத்து வந்த போதே அவரை கடித்த பாம்பையும் கையோடு எடுத்து வந்ததால் பரபரப்பு ஏற்பட்டது.