சென்னைக்கு அதீத கனமழை எச்சரிக்கை! - தயார் நிலையில் தேசிய பேரிடர் மீட்புக்குழு

அதீத கனமழை எச்சரிக்கை விடுக்கப்பட்டுள்ள சென்னையில் தேசிய பேரிடர் மீட்பு குழு தயார் நிலையில் உள்ளது. தேசிய பேரிடர் மீட்பு படையின் உதவி ஆய்வாளர் சந்தீப் குமார் தலைமையில் 35 பேர் அடங்கிய குழுவினர் அடையாறில் தங்கியுள்ளனர். அவர்களுக்கு தேவையான மர அறுக்கும் இயந்திரங்கள், படகு, அதிக வெளிச்சத்தை உருவாக்கும் லைட்ஸ், ஜெனரேட்டர், கயிறு, சிலிண்டர், ஆக்சிஜன் சிலிண்டர், ஏணி, மருத்துவ பொருட்கள் உள்ளிட்டவை தயார்நிலையில் உள்ளன. மழை மற்றும் பாதிப்புக்கு உதவி தேவைப்பட்டால் அதை செய்ய 24 மணி நேரமும் தயார்நிலையில் இருப்பதாக சந்தீப்குமார் நம்பிக்கை தெரிவித்தார்.