வீட்டிலிருந்து வெளியே வந்ததும் முன்னாள் ரவுடியை சரமாரியாக வெட்டிய கும்பல் - சென்னையில் பயங்கரம்

சென்னை பழைய வண்ணாரப்பேட்டை பகுதியை சேர்ந்தவர் ரவுடி கருப்பு குமார். சரித்திர பதிவேடு குற்றவாளியான இவர், திருந்தி குடும்பத்துடன் வாழ்ந்து வாழ்ந்து வந்தார். இந்த நிலையில், வீட்டின் வெளியே நடந்து சென்ற குமாரை, இருசக்கர வாகனத்தில் வந்த 6 பேர் கொண்ட மர்மகும்பல், அரிவாளால் சரமாரியாக வெட்டிவிட்டு தப்பியோடியது. அருகில் இருந்தவர்கள் குமாரை மீட்டு, அரசு ஸ்டான்லி மருத்துவமனைக்கு அனுப்பி வைத்த நிலையில், அங்கு சிகிச்சை பலனின்றி கறுப்புகுமார் உயிரிழந்தார். இந்த சம்பவம் குறித்து வழக்கு பதிவு செய்த போலீசார், கொலைக்கான காரணம் குறித்து தீவிர விசாரணை நடத்தி வருகின்றனர்.