ஒரு மணி நேரம்... கொட்டித் தீர்த்த மழை.. ஜில்லென மாறிய சென்னை... | Chennai Rain

கோயம்பேடு, திருமங்கலம், எழும்பூர், சிந்தாதிரிப்பேட்டை, புரசைவாக்கம், அண்ணா சாலை உள்ளிட்ட பகுதிகளில் மிதமான மழை பெய்தது. இதேபோல், ஆழ்வார்பேட்டை, பசுமைவழிச்சாலை, கோட்டூர்புரம், நந்தனம் உள்ளிட்ட பகுதிகளில் இடி, மின்னல் மற்றும் காற்றுடன் மழை பெய்தது. பெரம்பூர், அம்பத்தூர், கொரட்டூர், ஆவடி உள்ளிட்ட புகுதிகளில் மழை கொட்டித்தீர்த்தது. மேலும், கிண்டி, மீனம்பாக்கம், பல்லாவரம், தாம்பரம், பெருங்களத்தூர் உள்ளிட்ட பகுதிகளிலும் பலத்த மழை பெய்துள்ளது. இதனால், வெப்பம் தணிந்து குளிர்ச்சியான சூழல் நிலவுவதால் பொதுமக்கள் மற்றும் விவசாயிகள் மகிழ்ச்சி அடைந்துள்ளனர்.