இட்லி தட்டுக்குள் சிக்கி கொண்ட விரல்..வலியால் துடிதுடித்து கதறிய குழந்தை.. பரபரப்பு காட்சி-பதறிய பெற்றோர்

கன்னியாகுமரியில் இட்லி தட்டு துவாரத்தில் 4வயது குழந்தையின் விரல் சிக்கிக் கொண்ட நிலையில், தீயணைப்புத் துறையினர் நீண்ட நேரம் போராடி மீட்டனர்... லூர்துமாதா தெருவைச் சேர்ந்த ஜாபி என்ற 4 வயது குழந்தை, இட்லித் தட்டை வைத்து விளையாடிக் கொண்டிருந்த போது எதிர்பாராத விதமாக ஜாபியின் விரலானது இட்லித் தட்டு துவாரத்திற்குள் மாட்டிக் கொண்டது. விரலை வெளியே எடுக்க முடியாமல் அக்குழந்தை துடியாய்த் துடித்தது. பெற்றோர் எவ்வளவோ முயற்சித்தும் பயனில்லை. தகவலறிந்து வந்த தீயணைப்புத் துறையினர் வெற்றிகரமாக குழந்தையின் விரலை இட்லித் தட்டு துவாரத்தில் இருந்து மீட்ட நிலையில், பெற்றோர் தீயணைப்புத் துறையினருக்கு கண்ணீர் மல்க நன்றி தெரிவித்துக் கொண்டனர்.