கன்னியாகுமரி மாவட்டம் நாகர்கோவில் அருகே வீட்டில் செல்லமாக வளர்த்த நாய் காணாமல் போனதால் தம்பதியர் வீதி வீதியாக தேடி வருகின்றனர். பார்வதிபுரம் பகுதியை சேர்ந்த அகில் என்பவர் பல ஆண்டுகளாக தனது வீட்டில் வளர்த்து வந்த ஷேடோ என்ற நாய் கடந்த மாதம் காணாமல் போய் விட்டதாகவும், இதனால் தனது குடும்பமே சோகத்தில் ஆழ்ந்துள்ளதாகவும் தெரிவித்துள்ளார். காணாமல் போன தனது நாயை கண்டுபிடித்து தருபவர்களுக்கு 5 ஆயிரம் ரூபாய் சன்மானம் அளிக்கப்படும் என்று அவர் பல இடங்களில் சுவரொட்டி ஒட்டி வருவதாகவும் தெரிவித்துள்ளார்.