கடவுள் அவதாரம்.. இரட்டை இலை ஹேர்கட் - கவனம் ஈர்க்கும் அதிமுக பிரச்சாரம்
- ஈரோடு கிழக்கு தொகுதி தேர்தலுக்கு இன்னும் ஒரு வார காலமே உள்ள நிலையில் கட்சிகளின் நூதன பிரசாரம், பொதுமக்களை கவர்ந்து வருகிறது.
- ஒருபுறம் அமைச்சர்கள் மற்றும் முன்னாள் அமைச்சர்கள் பொதுமக்களுக்கு உதவி செய்து தங்களது வாக்குகளை கவரும் நிலையில் அதிமுகவினர் கடவுள் வேடம் போட்டு நூதன பிரச்சாரத்தில் ஈடுபட்டனர்.
- பெரியார் நகர் பகுதியில் சிவன் , பார்வதி , மீனாட்சி அம்மன் , பத்ரகாளி போன்ற கடவுள் வேடமணிந்து மேடையில் இருந்தவாறு இரட்டை இலை சின்னத்திற்கு வாக்குகள் சேகரித்தனர்.
- ஈரோடு கிழக்கு தொகுதி தேர்தல் பிரச்சாரம் அனல் பறந்து வரும் நிலையில் வாக்காளர்களை கவர ஒவ்வொரு கட்சியினரும் பல்வேறு விதமான பிரச்சாரங்களில் ஈடுபட்டு வருகின்றனர்.
- இந்த நிலையில் மதுரையை சேர்ந்த ராஜசேகர் என்ற அதிமுக தொண்டர், தனது தலைமுடியை இரட்டை இலை சின்னம் போல் வெட்டி வாக்குசேகரித்து வருகிறார்.
- மேலும் இவர் தலை முழுவதும் இரட்டை இலை சின்னத்தையும் பச்சை குத்தியுள்ளார்.