"ஆள் ஏரியால ஐயா கில்லி டா"...அலுவலக வளாகத்தில் புகுந்து காட்டு யானைகள் அட்டகாசம்...

தருமபுரி அருகே பவர் கிரிட் அலுவலக வளாகத்திற்குள் புகுந்த, காட்டு யானைகளால் பரபரப்பு ஏற்பட்டுள்ளது. இண்டூர் அருகே சோம்பட்டி பகுதியில் அமைந்துள்ள பவர் கிரிட் அலுவலக வளாகத்திற்குள், சுற்று சுவரை இடித்து தள்ளிவிட்டு, ஒரு ஆண் யானை, ஒரு மக்னா யானை என இரண்டு காட்டு யானைகள் புகுந்துள்ளது. தகவல் அறிந்து, சம்பவ இடத்திற்கு வந்த வனத்துறையினர், இரவு நேரத்தில் யானைகளை காட்டுக்குள் விரட்ட திட்டமிட்டுள்ளனர். இதனிடையே, இரண்டு காட்டு யானைகளையும் வனத்துறையினர் தொடர்ந்து கண்காணித்து வருகின்றனர்