கூர்மையான ஆயுதம்.. மளிகை கடைக்காரரை சரமாரியாக தாக்கிய மர்ம நபர் - பதறவைக்கும் சிசிடிவி காட்சி

  சென்னை அம்பத்தூரில், மளிகைக் கடை உரிமையாளரை மிரட்டி, கூர்மையான ஆயுதங்களால் தாக்கிய நபரின் சிசிடிவி காட்சி வெளியாகியுள்ளது. திருநெல்வேலி மாவட்டம் திசையன்விளையை பூர்வீகமாகக் கொண்ட செந்தில்குமார் என்பவர், சென்னை அம்பத்தூர் அண்ணா சாலை பகுதியில், மளிகைக் கடை நடத்தி வருகிறார். கோயம்பேடு மார்க்கெட்டுக்கு சென்று பொருள் வாங்கிவிட்டு, டாட்டா ஏசி வாகனத்தில் செந்தில்குமார் திரும்பிக் கொண்டிருந்தார். அப்போது இருசக்கர வாகனங்களுக்கு வழிவிடுவதில் பிரச்சினை ஏற்பட்டுள்ளது. தனது கடையின் முன்பு வாகனத்தை நிறுத்திய செந்தில்குமாரை, இருசக்கர வாகனத்தில் வந்த மர்மகும்பலை சேர்ந்த நபர் ஒருவர், தகாத வார்த்தைகளால் பேசியதுடன், கூர்மையான ஆயுதத்தால் தாக்கினார். இதில் செந்தில்குமார் படுகாயமடைந்த நிலையில், இந்த சம்பவத்தின் சிசிடிவி காட்சி வெளியாகியுள்ளது. இதுதொடர்பான புகாரின் பேரில், 4 பேர் மீது போலீசார் வழக்குப்பதிவு செய்துள்ளனர்.