எச்சரித்தும் கேட்காமல் மீண்டும்,மீண்டும் பைக் ரேஸ்...வச்சு செஞ்சு, கதறவிட்ட போலீசார் - பைக்கும் போச்சு, வழக்கும் போட்டாச்சு..

சென்னையில், பைக் ரேஸில் ஈடுபட்ட கல்லூரி மாணவர் உட்பட 2 பேரை போலீசார் கைது செய்தனர்.

சென்னை நேப்பியர் பாலம் அருகே, அதிகாலை வேளையில், பைக் ரேஸில் சென்று கொண்டிருந்த நபர்களை, காவல்துறையினர் விரட்டி பிடித்து கைது செய்தனர். அவர்களிடம் விசாரணை நடத்தியபோது, பழைய வண்ணாரப்பேட்டையை சேர்ந்த ஷேக் அஷ்ரப், கல்லூரி மாணவர் கார்த்திக் என தெரியவந்தது. இருவரின் மீதும், ஆபாசமாக பேசுதல், அரசு ஊழியர்களை பணி செய்ய விடாமல் தடுத்தல், மரணத்தை ஏற்படுத்தும் வகையில் நடந்து கொள்ளுதல் ஆகிய 3 பிரிவுகளின் கீழ், அண்ணா சதுக்கம் போலீசார் வழக்குப்பதிவு செய்ததுடன், இருசக்கர வாகனங்களையும் பறிமுதல் செய்தனர். சென்னையில், கடந்த 24ம் தேதி நள்ளிரவு, பைக் ரேஸ் உள்ளிட்ட போக்குவரத்து விதிமீறலில் ஈடுபட்டதாக, 281 வழக்குகள் போலீசார் பதிவு செய்தது குறிப்பிடத்தக்கது.