அப்பார்ட்மென்டில் நடக்கும் அநியாயம்... - பேச்சுலர்ஸ்க்காக களத்தில் இறங்கிய சகிலா..“ஒரு நியாயம் கிடைக்காம போக மாட்டேன்“

தனியார் அடுக்குமாடி குடியிருப்பில் தண்ணீர் வசதி நிறுத்தப்பட்டதால் குடியிருப்பு வாசிகள் கவன ஈர்ப்பு ஆர்ப்பாட்டம் நடத்திய நிலையில், நடிகை ஷகிலா சமூக சேவகி என்ற பொறுப்புடன் தாமாக முன்வந்து போராட்டத்திற்கு ஆதரவளித்தார்...

சென்னை சூளைமேடு பகுதியில் உள்ள தனியார் அடுக்குமாடி குடியிருப்பில் முறையாக பராமரிப்பு தொகை கட்டவில்லை எனக் கூறி 40க்கும் மேற்பட்ட குடியிருப்புகளுக்கு தண்ணீர் வசதி கடந்த சில நாட்களுக்கு முன்பு துண்டிக்கப்பட்டுள்ளது. இது குறித்து அடுக்குமாடி குடியிருப்பு நிர்வாகத்திடம் விளக்கம் கேட்ட பொழுது முறையாக பதிலளிக்கவில்லை என கூறப்படுகிறது. இதையடுத்து 20க்கும் மேற்பட்ட குடியிருப்புவாசிகள் கவன ஈர்ப்பு ஆர்ப்பாட்டத்தில் ஈடுபட்டனர். குறிப்பாக மற்றவர்களிடம் பராமரிப்புத் தொகையாக 2 ஆயிரத்து 500 ரூபாயும், பேச்சிலர்களிடம் மட்டும் 9 ஆயிரம் ரூபாயும் வாங்குவதாக குற்றம் சாட்டப்பட்டுள்ளது. இதில் பெண்களும் பாதிக்கப்பட்ட நிலையில், அந்த குடியிருப்புக்கும் நடிகை ஷகிலாவுக்கும் எவ்வித தொடர்பும் இல்லாத போதும், சமூக சேவகி என்ற பொறுப்புடன் அவர் தாமாகவே முன்வந்து போராட்டத்திற்கு ஆதரவளித்தார்.