களைகட்டிய தெருக்கூத்து, கிராமிய நடனங்கள் | சுற்றுலாப் பயணிகளை மகிழ்வித்த கலைஞர்கள்

செங்கல்பட்டு மாவட்டம் மாமல்லபுரத்தில், நாட்டிய விழாவின் 3ஆம் நாள் நிகழ்ச்சியில், தெருக்கூத்து, கிராமிய நடனங்கள் அரங்கேற்றமானது. தமிழக சுற்றுலாத்துறை சார்பில், மாமல்லபுரத்தில் ஆண்டுதோறும் பரதநாட்டிய நிகழ்ச்சி நடைபெறுவது வழக்கம். அதன்படி, இந்த ஆண்டின் 3ஆம் நாள் நிகழ்ச்சியில், மகாபாரத காவிய தெருக்கூத்து நாடகம், கிராமிய நடனங்கள், பரதநாட்டிய அரங்கேற்றம் நடைபெற்றன. கிறிஸ்துமஸ் விடுமுறையை முன்னிட்டு, மாமல்லபுரத்தில் குவிந்த சுற்றுலாப் பயணிகள், நடனங்களை கண்டு களித்தனர்.