ஆசனவாயில் வழியாக காற்றை செலுத்தியதால் பலியானஇளைஞர் - வெளியான பகீர் வீடியோ

கேரளா மாநிலம் கொச்சியில் தனியார் பிளைவுட் நிறுவனம் இயங்கி வருகிறது. இங்கு ஏராளமான வடமாநில இளைஞர்கள் வேலை பார்த்து வருகின்றனர். அசாம் மாநிலத்தை சேர்ந்த மின்டு சாம்வா மற்றும் அவரது நண்பர் சித்தார்த்தா சாம்வா ஆகியோர் வேலை செய்து கொண்டிருந்தனர். அப்போது, திடீரெனவிளையாட்டுத் தனமாக, சித்தார்த்தா சாம்வா கையில் வைத்திருந்த ஏர் கம்ப்ரசர் மூலம், மின்டு சாம்வாவின் ஆசன வாயில் வழியாக காற்றை செலுத்தி இருக்கிறார். இதை சற்றும் எதிர்பார்க்காத மின்டு சாம்வா தூக்கி வீசப்பட்டு கீழே விழுந்தார். உடனடியாக சித்தார்த்தா சாம்வா கீழே விழந்த நண்பனை தூக்கி மருத்துவமனையில் சேர்த்துள்ளனர். ஆனால் மருத்துவமனைக்கு கொண்டு செல்லும் வழியிலேயே அவர் உயிரிழந்தார். இது குறித்து விசாரணை நடத்திய போலீசார், சித்தார்த்தா சாம்வாவை கைது செய்து சிறையில் அடைத்தனர். இது தொடர்பாக வெளியான சிசிடிவி காட்சி பரபரப்பை ஏற்படுத்தி உள்ளது.