முதல்வர் முன் புதுச்சேரியை அதிர வைத்த பரத கலைஞர்களின் நாட்டிய தாண்டவம்..உடுக்கையுடன் ஒரே நேரத்தில் 2 ஆயிரம் பேர்

புதுச்சேரியில், சுமார் 2 ஆயிரத்திற்கும் மேற்பட்ட பரத நாட்டிய கலைஞர்கள் கையில் உடுக்கையுடன் நடனமாடி புதிய உலக சாதனை படைத்துள்ளனர். 9-ஆம் நூற்றாண்டின் பாரம்பரிய இசைக்கருவியான உடுக்கையை, உலக அளவில் அங்கீகரிக்க வேண்டும் என, புதுச்சேரி சுற்றுலா துறை சார்பில் உலக சாதனை படைக்கும் நிகழ்வு நடைபெற்றது. இந்நிகழ்வை முதல்வர் ரங்கசாமி மற்றும் சுற்றுலாத்துறை அமைச்சர் ஆகியோர் தொடங்கி வைத்தனர். இதில், தொடர்ந்து 8 நிமிடங்கள், 2 ஆயிரத்திற்கும் மேற்பட்ட பரதநாட்டிய கலைஞர்கள், கையில் உடுக்கையுடன் நடனமாடி உலக சாதனை படைத்தனர். இந்நிகழ்வு, யுனிக் புக் ஆஃப் ரெக்கார்ட்ஸ் புத்தகத்தில் இடம்பெற்றது.